Erasmus+

Erasmus+ lea vuosttažin Eurohpa riikkaid gaskkas, muhto lea maiddai vejolaš vuolgit eará sajiide máilmmis. Don sáhtát lonohallanstudeantan vuolgit hárjehallamii dahje váldet oahpu Erasmus+ prográmma bokte.

Don fertet leat studeanta bachelor-, master dahje doavttirgrádadásis. Don beasat mannat lonohallamii maŋŋel go leat čađahan ja ceavzán vuosttaš jagi oahppoprográmmas, čatnasa movt dat heive du oahppoprográmmaplána. Lonohallan heivehuvvo oahppoprográmmaplánii, ja lea maiddai várrejuvvon sierra áigi prográmmaplánas lonohallamii.  Erasmus+ čađa sáhtát oahpásmuvvat Europain, ja sáhtát vuolgit lonohallamii buot eará Erasmus+ miellahtuoahppoásahusaide.

Don sáhtát vuolgit čuovvovaš riikkaide Eurohpás:

Lea maiddai vejolaš vuolgit lonohallamii eará sajiide máilmmis. Loga eanet makkár riikkaide dáppe

Man guhka sáhtát leat lonohallamis, ja man ollu stipeandda oaččut?

Erasmus+ prográmma čađa lea vejolaš vuolgit lonohallamii Eurohpái gaskal golbma ja guoktenuppelohkái mánu. Dát addá dutnje vejolašvuođa beassat čiekŋudit fáttáide ja surggiide mat eai soaitte gávdnot Norggas.

Stipeandda submi mearriduvvo dan vuođul makkár riikii vuolggat ja man divrras doppe lea. Don sáhtát unnimusat oaččut 410 Euro mánus, ja eanemusat 460 Euro mánus. Norgga bealde studeanttain lea vuoigatvuohta oažžut lonohallanstipeanda stáhta Loatnakássas lassin eará stipeanddaide. Jus vuolggat eará sajiide máilmmis de ii lea fásta submi stipeanddaide.

Jus lea beroštupmi ohccát Erasmus+ prográmma lonohallamii, de váldde oktavuođa Sámi allaskuvlla internašunaliserenráđđeaddin Ida Holm Hansen.

Fina juogo oahppohálddahusa ovdakantuvrras dahje sádde e-boasta čuovvovaš čujuhussii idahh@samas.no.