Heaitit studeantan

Heaitit studeantan Sámi allaskuvllas?

Leat go mearridan heaitit iežat oahppoprográmmas? Dieđit midjiide!

Leat go eahpesihkar galggat go heaitit?

Váldde áinnas oktavuođa oahpporáđđeaddin digaštallat vejolašvuođaid. Ovdamearkka dihte, soaittát sáhttit ohccát permišuvnna jus háliidat maŋŋelaš joatkit studeantan.

Jus lea buozalmasvuođa, psyhkalaš, ekonomalaš dahje praktihkalaš dili dihte váttis čađahit oahpu, váldde oktavuođa oahpporáđđeaddin vai hupmat du dili birra.

Leat mearridan heaitit studeantan

De atte dieđu midjiide dán skovi bokte: sámegillii dárogillii eŋgelasgillii

Skovi sáddet oahppohálddahussii dahje bija skovi boastakássii mii lea oahppohálddahusa vuostáiváldima olggobeale.

Mearkkaš ahte fertet ohccát ođđasit jus háliidat fas studeantan leat Sámi allaskuvllas.

Refušuvdna

Studeanttat geat heitet, sáhttet gáibidit divadiid ruovttoluotta. Áigemearri gáibidit refušuvnna lea čakčamánu 30.b čakčalohkanbajis ja guovvamánu 28.b. giđđalohkanbajis.

Studeanttain lea maid vuoigatvuohta oažžut ruovttoluotta máksojuvvot lohkanbadjedivada jus lea máksán máŋgga geardde seamma lohkanbaji ovddas dahje jus leat máksán máŋgga studeantta ovttastusaide. Láhkaásahusa § 22 mielde, de lea SSO:s geatnegasvuohta máksit divada ruovttoluotta, nu guhkká go Sámi allaskuvlla lea sirdán ruđa SSO:ii.