Praktihkkálaš dieđut

Doallogili birra, Guovdageainnu

Govven: Iris Egilsdatter

Guovdageaidnu lea Finnmárkkus, Davvi-Norggas. Lea unna báikkás – birrásiid 3000 olbmo orrot suohkanis – muhto lea maiddai dehálaš guovddáš sosiálalaččat ja kultuvrralaččat sámi álbmogii. Geográfalaččat lea Guovdageaidnu Norgga stuorimus suohkan, mii ii leat dušše ieš gilli, muhto eanas oassi Finnmárkku duoddaris. 

Gaskal 80 ja 90% Guovdageainnu álbmogis lea davvisámegiella vuosttašgiellan. Sámegiela gullá gávppiin, skuvllain, girkus, buhcciidruovttus ja suohkanhálddahusas. 

Boazodoallu lea sihke guovddáš ealáhus ja kulturguoddi Guovdageainnus. Sullii bealli álbmogis barget bohccuiguin, ja nu lea Guovdageaidnu stuorámus boazodoallosuohkan Norggas.

Konferánsagiella ja dulkon

Konferánsa gielat lea sámegiella, dárogiella ja eŋgelasgiella. Dárogiella dulkojuvvo sihke sámegillii ja eŋgelasgillii. Muđui dulkojuvvo sámegiella dušše eŋgelasgillii, ja eŋgelasgiella dušše sámegillii.

Dulkon reaidu konferánssas

Dulkon dáhpáhuvvá Zoom:s mii lea digitála čoahkkinlatnja. Don it dárbbat ráhkadit geavaheaddji konto jus háliidat dán vuogádaga geavahit. Don searvvat Zoom čoahkkimii go deaddilat liŋkka maid konferánssabargi lea sádden dutnje.

Jus galggat geavahit Zoom:a, de fertet váldit konferánsii mielde juogo dihtora, jierbmetelefovnna dahje neahttabreahta. Dasa lassin fertet vel váldit mielde bealljebilttuid vuoi dat jietna gullo dušše du beljiide.

Das vuollelis lea čilgehus movt geavahat Zoom:a dihtoris ja jierbmetelefovnnas.

Zoom dulkon dihtoris

Vuosttáš lávki

Deaddil liŋkka maid leat ožžon konferánsalágideaddjis. Jus don it leat ovdal geavahan Zoom, de ihttá sierra skovvi gosa galggat čallit iežat nama. Don fertet čállit iežat nama, vuoi lágideaddji diehtá ahte leat oasseváldi ja beasat Zoom latnjii.
	Go deaddilat Join with Computer Audio, de searvvat čoahkkimii. Go beasat digitálačoahkkinlatnjii, de oaččut jearaldaga ahte háliidat go geavahit kámera ja mikrofuvnna du dihtoris. Dán galggat suovvat.

Nubbi lávki: Vállje guđe gillii áiggut guldalit

Go leat Zoom:s, de deaddil Interpretation, mii lea vuolemus ravddas. Go dán deaddilat, de ihttet dulkon kanálat. Kanálaid gaskkas beasat válljet guđe gillii háliidat guldalit dulkoma.

Zoom dulkon jierbmetelefovnnas

Vuosttáš lávki: Vieččá Zoom áppa telefovdnii

Oza áppa rámbuvrras ja čále Zoom Cloud Meetings. Vurke dán iežat jierbmetelefovdnii. Zoom appa doaibma sihke Android ja Apple telefovnnas.

Nubbi lávki: Mana digitála čoahkkin látnjii

Govve QR koda dahje deaddil liŋkka maid leat ožžon lágideaddjis. Liŋkka doalvu du Zoom latnjii. Deaddil Join Audio. Dasto deaddilat Wifi or Cellular Data.

Goalmmát lávki: Vállje guđe gillii áiggut guldalit

Deaddil More. Dasto válljet Language Interpretation. Go dán deaddilat, de ihttet dulkon kanálat. Kanálaid gaskkas beasat válljet guđe gillii háliidat guldalit dulkoma.