Sámi kultur - ja servodatdiehtu 2
- Oahpahusgiella: Dárogiella
- Oahpahusbáiki: Sámi allaskuvla, Guovdageaidnu
- Oasseáigeoahppu
- 15 oahppočuoggá
Oahppoplána- Diibmoplána/deaivvadanplána: TimeEdit Samisk Høgskole - Sámi allaskuvla
Beroštatgo sámi kultuvrras, servodagas ja historjjás? De lea dát oahppu dutnje.
Oahppu lea erenoamážit heivehuvvon Sámi allaskuvlla “Sámi ofelaččaide”, muhto lea maid rabas earáide.
Oahppu galgá ovdánahttit studeanttaid fágalaš ja ehtalaš gaskkustangelbbolašvuođa sámi kultuvrras ja servodagas, ja sámiid birra iešguđetlágán almmolaš oktavuođain. Oahppu galgá nannet studeantta sámi iešipmárdusa ja studeanttaid reflekšuvnnat leatge guovddážis oahpus. Hárjáneapmi muitalan- ja presenterenteknihkas, diehtojuohkinteknologiija geavaheapmi, gulahallan ja vuostálasvuođaid gieđahallan iešguđet diliin leat oassin oahpus.
Dán oahpus studeanttaid gaskkustangelbbolašvuohta ovdánahttojuvvo ain eambbo bagadallojuvvon prošeavtta bokte. Studeantta galgá dáinna ovdánahttit ja čađahit iešheanalaš gaskkustanprošeavtta mii hukse oahpu 1. oasi gelbbolašvuhtii.
