Duodji ja ovdanáhttin
Duodjeoahput. Govven: Johtti Productions/Ánne Kátjá Gaup
- Oahpu lágideapmi: Oahppu lágiduvvo čoagganemiin ja neahtabadje
- Oahppokoda: DUO 244
- 30 oahppočuoggá
Prográmmaplána- Diibmoplána ja deaivvadanplána: TimeEdit
Oahpu sisdoallu
Duodji ja ovdánahttin -oahppu fállá praktihkalaš ja teorehtalaš dieđuid, maiguinviiddidit ja ovdánahttit studeantta duodje-ja dáiddalaš čehppodaga. Oahpahusas suokkardit duoji etihkalaš gažaldagaid, degosuvdilisvuođa ja immateriálalašvuoigatvuođagažaldagaid. Oahpahusas deattuhuvvojit sámiid ja eará árktalaš guovllu eamiálbmogiid duodjeárbevieruid, mat leat vuođđun innovatiivvalaš čovdosiidda.
Oahppoprográmma gullevašvuohta
Duodji ja ovdánahttin lea geatnegahtton duodjefágalaščiekŋudanfágaDuodje-ja hábmenbacheloras. Dat sáhttá leat maiddái doarjjafágan dahje válljenfágan eará bachelorprográmmain dahje eará oahpuin.
Oahpahusgiella
Oahpahusgiellan lea dábálaččat davvisámegiella. Oahpahus sáhttá leat maiddái eará sámegielaide, skandinávalaš dahje eaŋgalsgillii. Eará gielaid oahpahus sáhttá dulkojuvvo dárbbu mielde. Eará sámegielat studeanttaide láhččo dilli nu ahte sii sáhttet čállit bargguid iežaset sámegillii.
Oahpahan - ja oahppanvuogit
Logaldallamat, bargobájit, lohkanrieggát, hárjehusat, oahppanportfolio, bagadallamat ja seminárat.
Gáibadusat beassat eksámenii
Oahpus lea bealli lágiduvvon oassi (duddjon, logaldallamat, bagadallamat, bargobájit,seminárat,lohkanrieggátjna.) ja nubbi bealli studeantta iešheanálaš bargan(duddjon, lohkan, bargobihtáid čoavdin, reflekterema čállinjna.). Studeanta galgá leat oassálastán unnimustá 75 % lágiduvvon oahpus,geatnegahtton barggut galget leat árvvoštallojuvvon ja studeanta galgá leat searvan čájáhussii ovdalgo beassá eksámenii. Oahpokoordinahtor mearrida beasságo studeanta eksámenii.
Eksámen
Loahpalaš árvvoštallan ja eksámen leat guovtti oasis. Guktuid osiid galgá ceavzit, ovdal go studeanta oažžu loahppaárvosáni.
- Portfolioja barggut. Deaddu 80 %loahpalaš árvosánis.
- Njálmmálaš eksámen. Deaddu 20 %loahpalaš árvosánis.
Árvosánit addojit ECTS vuogádaga mielde, mas A lea buoremus árvosátni ja E lea vuolemus ceavzinárvosátni. F árvosátni mearkkaša ahte ii leat ceavzán. Muđui čujuhuvvo Sámi allaskuvlla loahpalaš árvvoštallan-ja eksámennjuolggadusaide.
Sisabeassangáibádusat
- Studeantat galget leat čađahan čuovvovaš oahpuid ovdal besset álgit Duodji ja ovdánahttin ohppui: DUO 101 Duddjoma ja hábmema bargovuogit (10 oč), DUO 102 Bistevaš design (15 0č) ja DUO 120 Eamiálbmot duodje-ja dáiddadiehtu (15oč).
- Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta.
- Dasa lassin gáibiduvvo sámegielmáhttu.Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde.
Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.
Koordinator
