- Oahput
- Dutkan
- Studeanttaide
- Ođđa studeanta?
- Oahppohálddahus
- SSO Studeantaovttastus
- Astoáiggevejolašvuođat
- Progrešuvdna- ja oahpahusplána
- Sisaheiveheapmi
- Oahpaheaddjeoahpuid hárjehallamat
- Eksámen ja Wiseflow
- Grádat ja árvosátnečállosat/ oahppoduođaštusat
- Njuolggadusat
- Doarjjaortnegat
- Studeantastivra
- Oahppodoaimmaid kvalitehtasihkkarastin
- Permišuvdna oahpus
- Lonohallan
- Dieđit buriid ja baháid
- Dieđit duođalaš diliid birra
- Studeantaáittardeaddji
- Heaitit studeantan
- Individuála heiveheamit oahpahussii
- IT - konto
- Sámi allaskuvlla birra
- Sámi lohkanguovddáš
- IT-support
Progrešuvdna- ja oahpahusplána
Mii lea progrešuvdnaplána?
Universitehtaid ja allaskuvllaid lága § 4-2 vuoðul galgá buot studeanttaide geat váldojit sisa ohppui man viidodat lea 60 oahppočuoggá dahje eambbo, ráhkaduvvot progrešuvdnaplána. Progrešuvdnaplána lea šiehtadus gaskkal oahppoásahusa ja studeanta. Dás leat guokte oasi. Vuosttaš oasis čilgejuvvojit geatnegasvuoðat gaskkal studeanta ja oahppoásahusa. Nubbi oassi čájeha mo studeanta galgá čaðahit oahpustis. Buot studeantat Sámi allaskuvllas, geat čaðahit oahpuid maid viidodat lea eambbo go 60 oahppočuoggá, galget dohkkehit progrešuvdnaplána.
Mii lea oahpahusplána?
Oahpahusplána ráhkaduvvo studeanttaide geat váldojit sisa oahpuide maid viidodat lea unnánat go 60 oahppočuoggá. Oahpahusplánas lea dušše oktagaslaš oassi mas leat du oahpu oahppoovttadagat. Go dohkkehat oahpahusplána, de dieđihuvvot eksámenii oahppoovttadagain mat leat oahpahusplánas.
Mo oaččun progrešuvdna-/oahpahusplána?
Sihke oahpahusplána ja progrešuvdnaplána hábme Sámi allaskuvlla oahppohálddahus. Plánaid gávnnat Studentwebas. Progrešuvdnaplána lea guovtti oasis. Vuosttaš oassi lea oktasaš oassi ja nubbi lea oktagaslaš oassi. Oktasaš oasis gávnnat dieðuid earret eará dan birra ahte mii progrešuvdnaplána lea ja makkár njuolggadusat gusket studeanttaide. Oktagaslaš oasis leat du oahpu oahppoovttadagat. Oahpuin sáhttet leat sihke geatnegas ja válljenmuni oasit. Oahpahusplánas lea dušše oktagaslaš oassi.
Mo rievdadit progrešuvdna-/oahpahusplána?
Juohkehaš ferte dohkkehit progrešuvdna-/oahpahusplána ovdal oahppu álgá. Dát dahkko Studentwebas viissis áigemeriid ovdal. Muhtumin sáhttá plána rievdaduvvot. Jus it sáhte čaðahit oahput nu mo plánejuvvon, dahje jus háliidat heaittihit oahput, de fertet váldit oktavuoða Sámi allaskuvlla oahppohálddahusain.
