Allaskuvlla stivrii ođđa studeantaáirasat

Mikkel Rasmus Logje ja Berit Marie E. Eira oaččuiga eanemus jienaid ja leaba nuládje válljejuvvon áirrasat Sámi allaskuvlla stivrii.

Sergey Gavrilov šattai goalmmádin, eanemus jienaid ektui ja lea válljejuvvon vuosttaš várreláhttun.

Karen Marit V. Siri lea válljejuvvon nubbin várreláhttu.

Válggaide servet 55 studeantat.

Guokte jiena bohte báberhámis muđui ledje 53:as jienastan neahta bokte.

Karen Marit V. Siri oaččui 4 jiena.

Sergey Gavrilov oaččui 12 jiena.

Berit Marie E. Eira oaččui 14 jiena.

Mikkel Rasmus Logje oaččui 25 jiena.