Rehkega sáddet

Ná sáddet elektrovnnalaš rehkegiid ja báberrehkegiid Sámi allaskuvlii:

Fuomáš ahte don it sáhte sáddet rehkega e-poasttain.

Don fertet sáddet rehkega elektrovnnalaččat EHF-standárddain dahje báberhámis poastta mielde.

1. Ná galggat sáddet elektrovnnalaš rehkega (EHF):

Digitaliseringsrundskrivet geatnegahttá stáhta fitnodagaid gáibidit rehkegiid elektrovnnalaččat standárddain EHF (elektronisk handelsformat). Olgoriikka vuovdaleaddjit geavahit standárdda PEPPOL BIS.

Sámi allaskuvlla elektrovnnalaš rehketčujuhus lea Sámi allaskuvlla organisašuvdnanummir: 971 519 363

Merke rehkega diŋgonreferánssain: 1330 + diŋgojeaddji ovdabustávat, omd: 1330xxxx Váldde oktavuođa diŋgojeddjin jus dus ii leat referánsakoda.

Maid fertet bargat jus lea vuosttaš geardi go sáddet EHF-rehkegiid?

DFØ neahttasiidduin gávnnat dieđuid

Sámi allaskuvla lea Direktoratet for økonomistyring (DFØ) kunddar. Sáhtát váldit oktavuođa DFØ`ain jus leat gažaldagat elektrovnnalaš rehkega birra, e-poasta: elfak@dfo.no, telefuvdna: 40767157

2. Ná galggat sáddet báberrehkega:

Don sáhtát sáddet rehkega báberhámis poastta mielde Sámi allaskuvlla rehketčujuhussii:

Sámi allaskuvla / Sámi University of Applied Sciences
Fakturamottak DFØ
Postboks 4746 Torgarden
7468 Trondheim

Muitte merket rehkega diŋgonreferánssain (1330 + bustávat).

 

Mátkerehket: 

Jus dus lea Bank ID, de beasat deavdit mátkerehkega DFØ bokte, Betalmeg reaidduin.

Váldde oktavuođa bargiidossodagain (bargiidossodat@samas.no) jus dárbbašat dohko geavaheaddji. 

Jus leat olgoriika stádaborgar, dahje eará sivas it sáhte logget sisa DFØii de sáhtát deavdit báberskovi. 

Mátkerehkega gávnnat dáppe: 40-reiseregning-fra-2022_092022.xlsm (live.com) Oahppohálddahus ja bálkáossodat lea doarjjan mátkerehkega deavdimii. 

Mearkkaš ahte gollu ferte dohkkehuvvon ovdal go mátkerehkegat máksojit. 

 

Guosselogaldalli

Jus leat guosselogaldalli, de boahtá dutnje elektrovnnalaš šiehtadus ebostii. Guosselogaldallit eai galgga sáddet rehkega, barggu ovddas mákso bálkán.

Jus leat jearaldagat šiehtadusa birra, váldde oktavuođa oahppohalddahusain: oahppohalddahus@samas.no