Cristin
Cristin lea oktasaš registreren ja raporteren dokumentašuvdnavuogádat buot dutkandoaimmaide universitehta- ja allaskuvlasuorggis, regionála dearvvasvuođasuorggis ja instituhttasuorggis.
Cristinii registrerejuvvojit Sámi allaskuvlla dutkanbohtosat, dieđalaš artihkkalat, girjjit, kapihttalat girjjis, logaldallamat, kronihkat ja eará gaskkusteamit. Dat vuogádat lea buohkaid váras.
Fuom! Cristinis leat dušše metadáhtat nugo čállosiid namat ja eará dieđut čállosiid birra. Jus háliidat čállosa sisdoalu lohkat, de sáhtát dán gávnnat Brage vuogádagas dahje váldit oktavuođa Sámi allaskuvlla girjerádjosiin.
