Åsa Márgget Anti
Lean PPO oahpus erenoamážit oahppan dan mo sámi árbemáhtu laktit skuvlii ja oahpásmuvvan maiddái oahpahusmálliide eará álgoálbmogiin. PPO lea danin Sámi allaskuvllas erenoamáš ja dehálaš oahppu, go rahpá uvssoha ruovttoluotta min iežamet árbevirolaš sámi pedagogihkkii ja oahpahanvugiide! Illudan oahpaheaddjistallat boahttevuođas sámi skuvllain, beasan leat mielde sámáidahttimis min skuvllaid ja oahpahusa ain lasi. Giitevaš go Sámi allaskuvla lea lágidan PPO oahpu, masa serven jagiid 2013-15.
Doaivumis oahppu jotko vai ain lasi oahpaheaddjit ožžot dán oahpu, mii ii fállo eará sajis Sámis. Ávžžuhan ohppiid ohcat dasa jus oahpahus jotko boahtte čavčča, ja jus ii jotko, de ávžžuhan olbmuid bivdit Sámi allaskuvlla joatkit dán oahpu :)
Sonia Hedhili
- Ledjen allaskuvllas lonuhallanstudeantan sámegiela ja girjjálašvuođa bachelorprográmmas.
Joret Mihkkal Bals
– Olmmoš fuobmá man nuorra čálalaš sámegiella lea. Go logat sámegiela ja sámi girjjálašvuođa bacheloroahpu de soaittát vel fuobmát mii sápmelaš lea.
Inga Hansen
Lea erenomáš buorre journalisttan oahppat ja sámi- ja eamiálbmotáššiid birra. Ráhkistan Sámi allaskuvllas leahkit.
Kurage Kohji Ohhashi
– Álgen Sámegiela ja sámi girjjálašvuođa jahkeovttadahkii go áigon ovdánahttit iežan sámegielmáhtu.
Bernt Morten Bongo
– Dáppe lea buorre vuoigŋa. Dán ođđa fiinna viesus lea miellagiddevaš studeantan leat ja lean lohkan sámegiela ja čađahan Árbediehto ja Bistevaš Design oahpuid.
