Manne Sámi allaskuvlii?
Sámi allaskuvla lea huksen gelbbolašvuođa alit oahpus badjel 30 jagi. Sámi allaskuvllas leat oahpaheaddjit geat máhttet giela, ipmirdit sámi servvodagaid dárbbuid ja kultuvrraid. Sin gelbbolašvuođain ráhkkanahttet studeanttaid lávket bargodillái.
Sámi allaskuvlla vuolggasadji lea Sápmi - kultuvra, servodateallin, máŋggabealálašvuohta, árbevierut ja giella. Sámi allaskuvllas bargat čađat dihtomielalaččat ovddidit ja ođasmahttit oahpuid, nu ahte leat heivehuvvon ealáhusaid ja servodagaid dárbbuide. Min oahppofálaldagat addet vejolašvuođa váldit eaŋkilfágaid dahje gitta doavttirgrádii.
Jus leat sámi nuorra geas leat ambišuvnnat bargat oahpaheaddjin, gielain, dujiin, boazodoalloáššiiguin, servvodagain, filbmabargiin, journalistihkain dahje dutkiin, de oza Sámi allaskuvlii.
Loahpahandoalut 2021 - Govven: Ánne Kátjá Gaup/Johtti Productions
Sámi studeanta, sámi boahtteáigi.
Sámi allaskuvllas oaččut nanu fágalaš vuođu ja seammás ovdánat persovnnalaččat. Don dovddiidat iešguđet gielladiliide ja servvodagaide Sámis. Don oahpat váldit vuhtii sámi dárbbuide ja maiddái oahpásmuvvat daidda beliide main lea buoridanmonni. Go leat geargan oahpuin, de leat don mielde gokčame sámi servvodaga dárbbuid ja seammás hukseme sámi servvodaga iežat gelbbolašvuođain.
Buoremus diehtu ja máhtu.
Okta dain vuosttáš studeanttat Sámi allaskuvllas.
