Sonia Hedhili
- Ledjen allaskuvllas lonuhallanstudeantan sámegiela ja girjjálašvuođa bachelorprográmmas. Fáttát ledje hui miellagiddevaččat ja oahpaheaddjit ja oahpahusat ledje buorit. Neahttavahkkus lea maiddái vejolaš studeret eará guovllus go Guovdageainnus, mii lea dehálaš studeanttaide geat eai oro dáppe. Girjerájus lea vuogas ja doppe leat buorit sajit studeret. Mus lei nu lihku go bessen studeret allaskuvllas! Lean oahppan nu olu dušše njealje mánus.
Allaskuvllas lea hui buorre dovdu, danin go bargit leat nu ustitlaččat. Buori dovdu dagaha maid dan ahte ieš skuvladálus lea álki loaktit: lea dáidda, lea vejolaš dolastallat, studeanttagoarttain lea vejolaš fitnat allaskuvllas go lea dárbu, lea vejolaš geavahit massagestuolu, sávdnut ja valáštallat.
Sámi allaskuvla lea 10/10.
Inga Maybritt Bongo
– In vuordán ahte galggai ná somá. Háliidan earáide ávžžuhit Sámi allaskuvlla duodjeohppui ohcat. Lean Bistevaš design oahpu čađahan 2014 čakčabájis.
Lise Karita Hætta
– Hástaleaddji ja girjás oahppu dat Sámi mánáidgárdeoahpaheaddjioahppu.
Kurage Kohji Ohhashi
– Álgen Sámegiela ja sámi girjjálašvuođa jahkeovttadahkii go áigon ovdánahttit iežan sámegielmáhtu.
Inga Hansen
Lea erenomáš buorre journalisttan oahppat ja sámi- ja eamiálbmotáššiid birra. Ráhkistan Sámi allaskuvllas leahkit.
Sonia Hedhili
- Ledjen allaskuvllas lonuhallanstudeantan sámegiela ja girjjálašvuođa bachelorprográmmas.
