Vars ja Jannok Nutti válljejuvvon rektorin ja prorektorin
Laila Susanne Vars ja Ylva Jannok Nutti oaččuiga goappašagat eanetlogu Sámi allaskuvlla rektor ja prorektorválggain.
Sámi allaskuvlla válgastivra lea odne dárkkistan ja dohkkehan jienasteami rektor- ja prorektorválggain. Go jienastanáigemearri dievai ikte, cuoŋománu 10. beaivvi, diibmu 16, de lei čielggas ahte eanetlohku studeanttain ja bargiin dorjot Laila Susanne Vars rektoran ja Ylva Jannok Nutti prorektoran. Goappašagat leigga áidna kandidáhtat válggain.
- Sámi allaskuvlla bealis sávan Laila Susanne Varsii ja Ylva Jannok Nutti lihkku válgabohtosiin ja maiddái lihkku doaimmaide maiddá leaba válljejuvvon, lohka direktevra ja válgastivrra jođiheaddji Johan Ailo Kalstad
Ođđa rektoráigodat álgá borgemánu 1. beaivvi ja bistá njealje jagi gitta suoidnemánu 31. beaivái 2023.
Válgabohtosat
|
Studeanttat |
Fágabargit |
Hálddahuslaš/ teknihkkalaš bargit |
|
|---|---|---|---|
|
Rektorválggat |
|||
|
Laila Susanne Vars |
63,4 % |
90,6 % |
88,9 % |
|
Guorus |
36,6 % |
9,4 % |
11,1 % |
|
Prorektorválggat |
|||
|
Ylva Jannok Nutti |
61,0 % |
84,4 % |
66,7 % |
|
Guorus |
39,0 % |
15,6 % |
33,3 % |
|
Válgaoasálastin |
19,2% |
65,3% |
65,2% |
Sámi allaskuvlla válganjuolggadusaid vuođul galgá oažžut eanetlogu jienain vaikko ii leatge go okta kandidáhtta válggaide. Lea vejolaš váidit formálalaš bohtosiid. Áigemearri váidit lea biddjon cuoŋománu 18. beaivái. Loga Sámi allaskuvlla válganjuolggadusaid dás.
