SÁM 110 Sámegiella njálmmálaš ja čálalaš giellan
- Oahpu lágideapmi: Luohkkálatnjaoahpahus Sámi allaskuvllas.
- Oahppokoda: SÁM 110
- 10 oahppočuoggá
Oahppoplána ja lohkanmearri- Diibmoplána ja deaivvadanplána: TimeEdit
Oahpu sisdoallu
Oahpus leat guokte váldooasi. Vuosttaš oasis studeanta oažžu čielga gova davvisámegiela suopmanvariašuvnnas sihke oarjjil nuorttas ja siseatnamis mearragáddái ja oahpásmuvvá sámegielaid deaŧalaš erohusaide.
Nuppi oasis fas studeanta oahpásmuvvá gielladikšuma vuođđoáššiide ja ulbmiliidda. Váldogielaid váikkuhusa dáfus deattuhuvvojit skandinávalaš gielat.
Oahppoprográmma gullevašvuohta
Sámegiela ja sámi girjjálašvuođa bachelorprográmma.
Oahpahusgiella
Davvisámegiella. Studeanta berre bastit lohkat eŋgelasgielat teavsttaid.
Oahpahan - ja oahppanvuogit
Oahppan dáhpáhuvvá logaldallamiid, joavkobargguid, hárjehusaid, semináraid ja bagadallamiid bokte.
Gáibadusat beassat eksámenii
Davvisámegiela suopmanat -oassái gullet guokte, ja davvisámegiela čállin ja gielladikšun -oassái golbma geatnegahtton barggu. Bargguide gullá maid geatnegahtton bagadallan.
Buot geatnegahtton barggut galget dohkkehuvvon guokte vahkku ovdal eksámena.
Eksámenis leat guokte oasi:
1. 6-beaivásaš ruovttueksámen mas studeanta transkribere sullii 2 minuvtta muhtun davvisámi suopmanis. Dat ii galgga leat studeantta iežas hállangiella. Studeanta oažžu báddejuvvon teavstta oahpaheaddjis. Transkripšuvdna galgá leat juogo fonehtalaš dahje fonologalaš hámis. Teaksta galgá maid čállojuvvot ja normaliserejuvvot dálá čállingiela vieruid mielde.
Barggu nubbin oassin galgá leat 2–3-siidosaš čilgehus teavstta suopmandovdomearkkain.
Eksámenbargu árvvoštallojuvvo bustávvaárvosániin A−F.
2. Njealjediibmosaš čálalaš skuvlaeksámen. Eksámen árvvoštallojuvvo bustávvaárvosániin A−F.
Studeanta galgá ceavzit goappašiid osiin ovdalgo oažžu SAM 110 loahpalaš árvosáni. Goappašat osiin lea 50 % deaddu loahpalaš árvosáni mearrideamis.
Árvosátni addojuvvo ECTS-vuogádaga mielde, mas A lea buoremus árvosátni ja F lea vuolimus árvosátni. Árvosátni F mearkkaša, ahte ii leat ceavzán.
Opptakskrav
- Dábálaš sisabeassangáibádusat alitoahpahussii ja sámegielmáhttu. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta. Oppalaš lohkangelbbolašvuođa gáibádusat olgoriikka ohcciide bohtet ovdan NOKUTa GSU-listtus.
- Sámegielmáhttu. Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.
- Dasa lassin studeanta galgá leat čađahan SAM 108 Davvisámi fonetihka, fonologiija ja čállinvugiid (10 oč) ja SAM 102 Davvisámegiela morfologiija ja cealkkaoahpa (10 oč) dahje vástideaddji oahpuid.
Koordinator
