Individuála heiveheamit oahpahussii

Studeanttain geain leat earenomaš dárbbut dahje doaibmahehttejumit, lea vuoigatvuohta oažžut oahppodili ja eksámena heivehuvvot dainna lágiin ahte sihkárastto ahte sis lea ovttadássásaš oahppovejolašvuođat. Studeanttaid vuoigatvuohta individuála heivehemiide boahtá Dásseárvvu- ja vealahanlága § 21:s ja Universitehta- ja allaskuvlalága § 4-3 c, gos čuožžu:

§ 4-3 c. Individuell tilrettelegging ved funksjonsnedsettelse og særskilte behov

(1) Studenter med funksjonsnedsettelse og studenter med særskilte behov har rett til egnet individuell tilrettelegging av lærested, undervisning, læremidler og eksamen, for å sikre likeverdige opplærings- og utdanningsmuligheter. 

(Studeanttain geain leat doaibmahehttehusat ja studeanttain geain leat earenoamaš dárbbut, lea vuoigatvuohta oažžut heivvolaš individuála heiveheami oahppobáikki, oahpahusa, oahpponeavvuid ja eksámena ektui, sihkkarasttin dihte ovttadássásaš oahppovejolašvuođaid.) 

(2) Retten gjelder ikke tilrettelegging som innebærer en uforholdsmessig byrde for institusjonen. Når institusjonen skal vurdere om tilretteleggingen innebærer en uforholdsmessig byrde, skal det legges særlig vekt på dens effekt for å bygge ned barrierene for studenter med funksjonsnedsettelse og særskilte behov, de nødvendige kostnadene ved tilretteleggingen og institusjonens ressurser.

(Vuoigatvuohta ii guoska heivehemiide mat mielddisbuktet eahpegorálaš noađi ásahussii.  Go ásahus árvvoštallá mielddisbuktá go heiveheapmi eahpegorálaš noađi, de galget deattuhuvvot makkár beaktu heaiveheamis lea dan ektui ahte vuolida cakkiid studeanttaide geain leat doaibmahehttejumit dahje earenoamaš dárbbut, heiveheami dárbbašlaš golut, ja ásahusa ressurssat.)  

(3) Den som fullfører og består en utdanning, må ha oppnådd det fastsatte læringsutbyttet. Tilretteleggingen må derfor ikke føre til en reduksjon av de faglige kravene som stilles i den enkelte utdanningen. 

(Son guhte čađaha ja ceavzá oahpu, galgá oláhan mearriduvvon oahppanjoksosiid. Danin ii galgga heiveheapmi mielddisbuktit ahte fágalaš gáibádusat mat vurdojuvvojit oahpus, vuoliduvvojit.) 

Doaimmashehttehusat mat addet vuoigatvuođa heivehemiide oahpahusas sáhttet leat sihke fysalaččat, psyhkalaččat dahje kognitiiva, omd:

• Oaidninváttut, guluheapmi dahje lihkadanhástalusat
• Lohkan- dahje čállinváttut, dyskalkuli,
• Iešguđetge kronalaš dávddat
• Psykalaš váttisvuođat
• Kognitiiva doaibmahehttejupmi
• Sosiála váttisvuođat

Universitehta- ja allaskuvlalága § 4-3 d (3) dadjá ahte studeanttain geain lea fuolahus mánáide, sáhttet nai oažžut individuála heiveheami § 4-3 c čuoggá mielde: (3) Studenter som har omsorg for barn, kan også få individuell tilrettelegging etter § 4-3 c. 

Jus dus lea dárbu individuála heivehemiide, váldde oktavuođa nu árrat go vejolaš ovdal oahppu álgá, de beassat gulahallat dan birra ahte makkár čovdosiid sáhttit gávdnat du dárbbuide. Váldde oktavuođa njuolga oahpporáđđeaddiin dahje iežat oahppokoordináhtoriin.  

Oktavuođaolmmoš: Anne Karen Hætta Bals, oahpporáđđeaddi

Jus dus lea dárbu heivehemiide eksámena oktavuođas, de fertet ohcat unnimusat 2 vahku ovdal eksámena. Dáppe eanet dieđut ja ohcanskovvi: Eksámenheiveheamit